دخښتوپه هکله پوښتنې اوجوابونه
سوال: خشت کاري باید په یوه وخت کې د څومره نه لوړه نکړو؟
ځواب: 1m څخه
سوال: خشت کاري باید لږ تر لږه څومره موده لمده وساتل شي؟
ځواب: 10 ورځې
سوال: د تازه خشت کارۍ پروټکشن واضح کړئ؟
ځواب: د ګرد،باران او نورو اغیزمنونکو عواملو نه یې ساتل
سوال: د خشت کارۍ د بافت ډولونه څو او کوم دي،او هم د خشت کارۍ انګلیسي بافت شرحه کړئ؟
ځواب: پنځه ډوله د خشت کارۍ بافته لرو چې عبارت دي له:
English bond
Common bond
Flemish bond
Running bond
Garden bond
English bond:
د خشت کارۍ انګلیسي بافت مستقیم جاینټونه نلري،او معمولاً د دیوال په شروع او یا هم ختم کې د خښتې له قطع شوې ټوټو څخه ګټه اخیستل کیږي،دې میتود ته د خشت کارۍ د بافت انګلیسي میتود وایي، دا میتود په نړيواله سطحه دخشت کارۍ د بافت یو له قويترینه میتودونو څخه دی چې زیات کاروونکي لري
سوال: په افغانستان کې د خښتو لرغونی ابعاد ذکر کړئ
ځواب: د افغانستان د خښتو لرغونی ابعاد عبارت دی له:
1. د خښتې طول 50cm
2. د خښتې عرض 22cm
3. د خښتې ضخامت 12cm
سوال:دخښتې باید په یو سانتي متر مربع کې څومره مقاومت ولري؟
ځواب: 105kg/cm2
سوال: د خښتې په خاوره کې مضره مواد کوم دي؟
ځواب: جغل باید ونلري،ځکه فشار په غیر مساوي ډول تقسیموي القلي باید ونلري،ځکه د هوا نه لمدبل را جمع کوي او د خښتې پر مخ سپینه طبقه جوړوي
عضوي مواد باید ونلري،ځکه د تودوخې ورکولو په وخت عضوي مواد سوزي، او د خښتې داخل خالي پاتې کیږي چې داپخپله د خښتې مقاومت زیانموي
کیمیاوي مواد او سلفیټونه باید ونلري
سوال: مخکې د خښتې د تولید(Selection Of Soil For Brick Production) څخه د خاورې انتخاب څرنګه کیږي؟
ځواب: د هغه ساحې څخه چې خښته تولیدیږي دیو فټ مکعب په اندازه خاوره د څاه په ډول د 5 فټو په ژوروالي را اخیستل کیږي لمړي په لمر کې وچیږی، بیا ټکول کیږي تر څو په پوډرو بدله شي او بیا پرې لاندني ټسټونه اجراء کوو
د مالګې د تاثیر امتحان (Salt Test)
د چونې د ډبرو د تاثیر امتحان (Effect and Test of Lime Stone)
د پلاستیکیت امتحان (Effect and test of Plasticity)
د قالب امتحان (Molding Test)
د انقباض او تغیر شکل امتحان (Shrinkage and Deformation Test)
سوال: هغه خاوره چې څومره قابل حل مالګې ولري د خښتو د جوړولو لپاره مناسبه نده؟
ځواب: 0.25%
سوال: د خښتې وزن باید د څومره نه اضافه نه وي؟
ځواب: 3kg
سوال: د خښتو په قطارونو کې د مصالې درز باید څومره وي؟
ځواب: د 1/2--3/8 انچه پورې،چې د درز اندازه د خښتې په نوعیت پورې هم اړه لري
سوال: د پخو خښتو لپاره مونږ امتحانات(ټسټونه) لرو؟
د مقاومت امتحان (Crushing Strenght)
د اوبو د جذب امتحان (Water Absorvation)
د خښتې پرمخ د سپینوالي د پیداکولو امتحان(Efflorescence)
د خښتې جوشول
سوال: د خښتې پرمخ د سپینوالي د پیداکولو امتحان څرنګه کیږي؟
په یو لوښي کې 15cm قطر 30cm لوړوالی ولري تر 25cm پورې یې له اوبو ډکوو، تر 30 درجې د سانتیګریډ حرارت لاندی یوه خښته پکې تر هغه ږدو چې تر څو ټولې اوبه جذب کړي که چیرې د خښتې پرمخ سپینوالی ولیدل شي،نو داسې نتیجه ترې اخلو.
(0%) Nill
(10%) Slight
(50%) Med
د (50%) څخه زیات Heavy
سوال: د خښتو لپاره څومره ضایعات په نظر کې نیول کیږي؟
ځواب: 5%
سوال: خامه خښته کې د امونیا مقدار زیاتوالی خښتې ته کوم زیان رسوي؟
ځواب: تر وچیدلو وروسته درزونه پیداکوي
سوال: د کوم ټسټ پواسطه کولی شو،د خښتې مقاومت بهتر کړو؟
ځواب: د پلاستیکیت ټسټ پواسطه