هر انسان په خپل ژوند کې ګڼ شمېر هیلې او آرمانونه لري. چې غواړي ورته رسېږي، همدوی دې آرمانونو ته په نیکه سترګه ګوري، او وایې چې زموږ د ژوند سوکالۍ او پرمختګ په همدې هیلو کې نغښتې دي، د ځینو هیلې او آرمانونه متاسفانه یوازې فکرونه او خیالونه پاتې کېږي او بس؛ خو ځینې بیا خپلو هیلو او آرمانونو ته د عمل جامې ور په تن کوي، په دې لیکنه کې موږ په لومړي ډله چې یوازې هیلې او آرمانونه یې خیالونه پاتې کېږي، بحث کوو.
هیلې او آرمانونه ولې یوازې، خیالونه پاتې کېږي؟
دلته یې درې لوي لاملونه، درته وړاندې کووم.
۱- خپل ځان کم ګڼل: ډېر ځله داسې پېښېږي، چې یو څوک خپلې هیلې او آرمانونه د خلکو د خبرو لاسه پرېږي، او وایې که دې هیلې یا آرمان لپاره لاس په کار شم، نو خلک به څه وایې یا زه د دې کار وړتیا لرم، یا به په ما نیوکه وکړي، یا که زه ناکام شم د خلکو د خندا به شم او نور داسې ډېر سوچونه به کوي.
خو یاد ولرئ؛ ستاسو ژوند ستاسو ده، نه د نورو ماتې خپګان ژړا، پاتې راتلل خوشحالۍ هر څه به یې تاسو زغمي/ لمانځي به یې.
یو ځای مې لوستل، دې خبرې ماته ډېر خوند راکړ او پوره له معنا ډکه خبره ده وایې چې: د لوبې په وخت کې هر څوک درته وایې چې داسې وکړۀ، هغسې وکړۀ، داسې مه کوۀ، او په دې ډول داسې ډېرې نورې خبرې درته کوي، خو که لوبه دې وبایلله بیا به خوله در باندې راوباسي او تا به ملامت کوي، او د بایللو لامل به دې بولي، خو فکر به نه کوي چې مشوره خو موږ ورکوله.
او بل خوا که لوبه دې وګټله ځان ته کریډیټ ورکوي، او وایې چې زما په برکت دې لوبه وګټله، حالانکه سختې به تا په ځان تېرې کړي وي، موضوع بله خوا لاړه نه شي، د تېر په څېر یاد ولرئ، یوازې خپل ښه فکر ته اهمیت وکړئ، او دا مه وایې چې هغه به څه وایې، او هغه ابل به څه وایې، ستاسو ژوند ستاسو دی.
۲-کوښښ نه کول: زیګ زیګلار وایې، په ذهن او ژبه کې تر ټولو ځواکمن توري یا لفظونه((کول)) دی، که له کولو سره د ((نه)) لفظ یو ځای کړو، ((کول)) به په ((نه کول)) بدل شي، ټول ځواک به یې ختم شي، او بالاخره به په یو داسې څه بدل شي چې ستاسې ماتې او ناکامي به حتمي کړي.
د زیګلار همدې خبرې ته په اشارې: مهم او رزښت څه چې دي، هغه هڅه کول کوښښ کول، او پاڅیدل دي، چې تحول رامنځ کوي، او یو هدف رنګ راوړي.
یوازې بې ځايه فکرونه کول، څه ګټه نه درته کوي، بلکې داسې فکر وکړي، تاسو وهڅوئ، او هدف ته د رسېدلو لپاره درسره مرسته وکړي، مهم پاڅېدل دي، نه خیالونه په خیالونو کې انسان ډېر څه سرته رسوي، خو مهم ده، چې ژوند، بریالیتوب، پرمختګ مو په د ژوند په طبيعت کې را وڅرخېږي.
۳-ستونزې ومنئ، او په وړاندې یې کلک دریځ ولرئ: ستونزې او کړاوونه د ژوند منل شوي حقیقتونه دي، چې باید له زړه یې ومنو، خو دا منل به په دې معنا نه وي، چې موږ خپل هیله او امید له لاسه ورکړو، او ووایو چې هر څه تر همدې ځایه وو، هر څه خلاص شول.
نه؛ په وړاندې یې باید کلک دریځ ولرو، ستونزې او ننګونې باید موږ ته یوه زده کړه وي، چې ډېر څه به ترې زده کوو، او راتلونکي کې به برعکس کار کوو، او تلسمېدل به له ذهن څخه حذف وي. د ځینو لویو او پیاوړو پوهانو او شخصیتونو ژوند مطالعه کړئ، ډېر څه به ترې زده کړي، چې د هغوې په وړاندې ستونزې د دې لامل شوې نه دي، چې د خپل هدف لاره پرېږدي، بلکې ستونزې د هغوې په وړاندې د یو ښه روزنکي په توګه ثابت شوې.