د واش برخی ډیر مهم سوالونه او ځوابونه
۱- د اوبو د مصرف نورم تعریف کړی ؟
ځواب: د یو نفر د اوبو مصرف په ۲۴ ساعتونو کی یا په یوه شپه او ورځ کی د پخلی، څښاک، اودس ،حمام او څارویو ته اوبه برابرول د اوبو د مصرف د نورم په نوم یادېږی ، چی په مختلفو شرایط پوری اړه لری لکه د سرچینې د اوبو مقدار اوکیفیت ، د ژوند کولو معیار او ځینې داسې نور موارد.
۲- میټرلرونکی شبکې کوم ډول پروژې دي؟
ځواب: میټر لرونکی شبکې هغه پروژې دی چی اجزآ وی یی سرچینه ،مخزن او په کوڅوکې پایپونه وي ، چی هر کور د شبکی سره وصل دی. د اوبو د مصرف د معلومیدو او د عواید د تر لاسه کولو لپاره په هر کورونو کی میټرونه نصب لګول کږي.
۳- نلکه لرونکی شبکې کوم ډول شبکې دی ؟
ځواب: ځینې شبکې داسې شرایط لری چې د کورونو اتصال د شبکې سره خورا مشکل وي او یا هم د مېټرونود نصب امکانات نه وي لکه زیات میل لرونکی ساحې او داسې نور. اوبو ته د لاس رسی لپاره په کوڅو او کورونو کی نلکې نصب کیږی چې د امکان تر حده ۵-۶ کورنو به له یوه نلکې څخه اوبو ته لاس کوي. خو که چیرته پروژې ته د واټر پمپ په مرسته اوبه پمپ کیږي نو بیا عمومی نلکې ته د میټر نصب حتمی دی .
۴- د پاکو اوبو رسولو د پروژې تعریف څه دی؟
ځواب: هغه علمی او تخنیکی څيړنه چې وکوالای شی مصرف کوونکو ته د هغه د ضرورت اوبو منبع ولټوی استخراج، تصفیه او تقسیم یی کړی د اوبو د رسولو د پروژې په نوم یادیږی.
۵- د سروی ټیم په ساحه کی په کومو برخو کی تحقیقات کوی او کافی معلومات را ټولوی؟م
ځواب: د سروی ټیم په ساحه کی په لاندی برخو کی تحقیقات کوی.
۱-د اوبو د سرچینو په اړه څېړنه کوی.
۲- د موجوده د اوبو د سرچینو په اړه.
۳- د سرچینواندازه د ابو اندازه کول کې شونی وي.
۴- د باور وړ سرچنیو مشخص کول
۵- د هغه خلکو د نفوس شمیرل چی اوس مهال په کلی او یا ساحه کی ژوند کوي
۶- د اوبو د کیفیت پیژندل
سوال : د کلیو لپاره د اوبو سرچینه په څو ډول ده؟
جواب: څاه ، چینه، کاریز ، ویاله ،سیند
سوال : ددي لپاره چی د اوبو د طبقاتو ذخامت ،کمیت او کیفیت په دقیق ډول معلوم شی کومې کړنې ترسره کیږی ؟
جواب: د اوبو د طبقاتو ذخامت ،کمیت او کیفیت په دقیق ډول معلومیدو لپاره کوولای شو له هایدروجیولوجیکی ،جیوفیزیکی او جیولوجیکی طریقو څخه ګټه واخلو او د هغه په اساس د څاه لپاره مناسب محل انتخاب کړو.
سوال : د څاه ګانو د مناسب موقعیت د انتخاب لپاره کوم فکتورونه په پام کې نیول کیږی؟.
۱- د موجوده څاه ګانو ابدهی څېړل، لکه د اوبو ګل ، د اوبو د استخراج ظرفیت او داسی نور.
۲-د ټولنیزو مشکلاتو حل او څاه د وقف شوی ځای سند اخیستل.
۳- د ساحه جیولوجیکی حالت څېړل او د حالت سره سم د برمې انتخابیدل.
د سیول انجنیری معلومات