هغه ترټولو اړین ټکي چې د ساحې انجینریې باید پام کې یې ونیسي .
1. هغه سیخان چې قطر یې له 36mm زیات وي پیوند کولو اجازه یې نشته .
2. د نښلونکی یا ډاول سیخ قطر باید لږترلږه 12mm وي .
3. په تهداب کې د کانکریټو په هر مترمکعب د سیخانو اندازه 56 kg څخه تر 89kg پورې وي
4. په پایو کې د کانکریټو په مترمکعب کې د سیخانو اندازه 115kg تر 144kg پور وي او د سیخانو مساحت د پایې د عمومي مقطعې د مساحت له 0.8% کم نه وي او له 6% زیات نه وي.
5. د بیم د وایې اوږدوالی باید د بیم پلنوالی ضرب 60 یا (60b) څخه زیات نه شي
6. په بیم کې د کانکریټو په هر مترمکعب کې د سیخانو اندازه د 108kg تر 125kg.
7. د مربعوي پایو د سیخانو شمیر له څلورو او د دایروي پایو له شپږو کم نه وي .
8. په سلب کې د کانکریټو په هر مترمکعب کې د سیخانو اندازه 56kg تر 89kg پورې وي .
9. د سلب ترټولو کم پیړوالی 125mm دی .
10. وي او ویشونکو سیخانو قطر له 8mm کم نه وي او د سلب د پیړوالی له 1/8 زیات نه وي .
11. د مکعبونو په اندازو کې توپیر -+2mm پورې د منلو دی .
12. د کانکریټو راغورځیدو ترټولو زیات لوړوالی 1.5m دی له دې زیات د منلو نه دی .
13. د خښتو د جذب د اوبو جذب د هغې د ټول وزن له 15% زیات نه وي .
14. په کانکریټو کې د کاریدونکو اوبو pH قیمت د 6 او 8 ترمنځ وي ،هیڅ ډول غوړ ،تیزاب ،الکلي ، عضوي مواد ،مالګه ،او نورې ناپاکۍ ونه لري .
15. د خښتو فشاري مقاومت 3.5 N/mm2
16. د هرمټریک ټن سیخانو د تړلو لپاره 8kg بلډنګ ویر ته ضروت وي .
17. د ډکون خاورې د ازمایښت لپاره په هرو 100 متر مربع کې باید درې نمونې واخستل شي .
18. په پایو کې باید د بریښنا د لینونو پایپونه تیر نه شي .
19. د تهکوۍ کندن کاري چې له 3m زیاتیږي باید د پتو په شکل ترسره شي .
20. که د خاورې ډکون پام کې وي نو باید تر 95% وچ حجمي کثافت پورې تخته شي .د هرې تخته کوونکې طبقې پیړوالی له 20cm زیات نه شی .
21. که د کانکریټو اچولو مقدار زیات وي د هرو 30 مترمکعب کانکریټو لپاره باید د مکعبي نمونو ازمایښت ترسره شي .د هر لیول لپآره او د هرې پیمانې لپاره .
22. د بیلابیل مارک کانکریټو د اوبو او سیمنټو نسبت باید د M20 او پورته لپاره له 0.45 او د M10/M15 لپاره له 0.50 زیاته نه شي.
23. د M20 او له پورته مارک کانکریټو لپاره باید منظور شوي او ډیزاین سره سم علاوه کوونکي مرکبونه(admixture)وکارول شي .
24. سیمنټ باید له ځمکې له سطحې 20cm پورته په وچ ځای کې ګودام شي .د بوجیو کتار باید سرپه سر له 10 زیات نه شي .د بره لمبل د مخنیوي لپاره ځای سرپوخ ولري ،د لمر او لمدبل څخه خوندي وساتل شي .
25. د کانکریټو د فشاري مقاومت مالومولو لپاره لږترلږه د تازه کانکریټو 6 نمونې واخستل شي چې 150mm ابعاد ولري .درې نمونې د 7 ورځو لپاره او 3 د 28 ورځو لپاره ضرور ازمایښت شي .د ازمایښت باید چک شي که د قناعت وړ نه وي باید اړین ګامونه پورته شي .
26. سیمنټ باید د ابتدایی جوش یا نښتو (لومړی نیم ساعت )او هم د وروستی جوش یا نښتو (final setting)لپاره چک شي ،چې ورستی باید له ساعته زیات نه وي .
27. پومتر د سیخانو وزن قطر مربع تقسیم 162
28. د کانکریټ اوبه ورکولو ته ډير پام وشي که عادي پورتلنډ سیمنټ کارول شوي وي 14-28 ورځو پورې اوبه ورکول شي .که سوپر سلفایټ سیمنټ کارول شوي باید لږترلږه 7 ورځې اوبه ورکول شي .
29. د سیخانو لپاره د کانکریټو محافظوي قشر ،د تهداب لپاره 50mm ،د د بیم لپاره 25mm ،د شیروال لپاره 25mm ،د سلب لپاره 20mm ،د پایې لپاره 40mm ،د خاورې لپاره استنادي دیوال 20-25mm ، د اوبو لپآره استنادي دیوال 20-30mm ،د چجې لپاره 25mm .
30. د کانکریټ جوړولو پروخت په مکسر ماشین کې باید کانکریټ لږترلږه یوه دقیقه او زیات نه زیات درې دقیقې وخت پریښودل شي .