په نړۍ کې ځينې جالب رواجونه

د بېلابېلو ټولنو ترمنځ شته فاصلې، مختلف عقايد او مختلفې مفکورې ددې سبب شوی، چې د نړۍ خلک بېلابېل رواجونه ولري. ځينې رواجونه بيا ډېر جالب او حيرانونکي وي. په دې لیکنه کې به تاسو له ځينو عجيبو رواجونه سره بلد شئ.

 ۱. له دستشويئ څخه لرې اوسېدل
 په اندونیزیا کې نوې واده شوې جوړه باید درې ورځې له دستشويئ څخه ګټه وا نخلي. دوی باور لري، چې که کومه جوړه دا کار وکړي نو ټول عمر به بدبخت وي. حتی دوی د کورنۍ له خوا هم تر څار لاندې وي، چې دا کار و نه کړي. له همدې امله ورته ډوډۍ هم کمه ورکوي.

 ۲. په ماسائو کې خلکو ته ښه راغلاست
 که څه هم د نړۍ په اکثرو سیمو او هېوادونو کې د لاړو تو (تف) کول لوبه بې ادبي بلل کېږي خو په ماسائو هېواد کې د چا د ښه راغلاست لپاره د لاړو تو (تف) کول د ډېر احترام معنی ورکوي. کله چې روغبړ کوي پر لاس لاړې تو کوي. دا کار حتی د تازه پيدا شوو ماشامونو او نوي واده شوې جوړې سره هم کوي. دوی دا کار نېکمرغي بولي.

 ۳. زېړ ګل
 نږدې ټوله نړۍ کې د ګل ډالۍ کول د مينې لپاره وي. خو په مکزیک کې خلک له ژېړ ګل څخه کرکه لري او هېڅکله چاته زېړ ګل نه ډالۍ کوي. دوی له ژېړ ګل څخه د مړاوي او یا هم د مړه کېدو معنا اخلي.

 ۴. ناوخته رسېدل
 د وینزویلا خلک دا بده نه ګڼي چې یوې کارې جلسې او یا هم ماښامنۍ ته ناوخته ورسېږي. دوی له کم سرعته خوند اخلي. که دا ناسته او غونډه هر څومره مهمه هم وي دوی یې جدي نه ګڼي. په آرامه او وروسته مجلس ته راځي.

 ۵. له کړکۍ څخه د لوښو غورځول
 نوی کال تقریبا د نړۍ په اکثرو هېوادونو کې نمانځل کېږي. ددې ورځې نمانځل بیا په جنوبي افریقا کې بېخي په زړه پورې دی. ځايي خلک د نوي کال نمانځلو لپاره د کور لوښي او ځينې نور توکي د کړکيو له لارې کوڅې ته غورځوي. دا کار د پوليسو لخوا هم څارل کېږي تر څو وګړو ته په کې زیان و نه رسول شي.

 ۶. شیطانان
 د هسپانيې په شمال کې خلک د (El Colacho) په نوم یو ځانګړی رواج لري. دوی نوې زېږېدلي ماشومان په یوه ټوټه کې تاووي او کوڅه کې پرېږدي. وروسته ځينې نارینه چې ځانونه يې د شیطانانو په شکل جوړ کړي وي ددوی له څنګه تېرېږي. دوی وايي له ماشامونو شیطانان ولاړل او اوس به ښه انسانان لويېږي.