نامسلمانې مور د ماشوم کیسه
یو کوچنی ماشوم د فرانسې هېواد پاریس ښار کې یو مسجد ته ننوت او د مسجد امام ته یې ووېل:
مور مې زه رالیږلی یم چې تاسو سره سَبق ووایم او له تاسو زده کړه وکړم،
امام ووېل: نو مور دې چېرې (چېرته) ده؟
څوک به د ولي په توګه ستا لپاره نوم لیکنه (ثبت نام) وکړي؟
ماشوم ځواب ورکړ: مور مې د مسجد څخه بَهر (بیرون) وَلاړه ده او نه شي کولای مسجد ته د ننه راشي؛
ځکه چې مسلمانه نده.
امام په چټکتیا سره بَهر (بیرون) ووت تر څو د نامسلمانې مور د دې عجیب او غریب کار په لامل پوه شي او د ماشوم له مور څخه یې وپوښتل:
چې ولې دې دا کار ترسره کړی ده؟
د ماشوم مور ووېل:
مونږ مسلمان ګاونډی (همسایه) لرو کله چې اولادونه یې ښوونځي او پوهنتون ته ځي خپلې مور سره خدای په اماني (په مخه ښَه) کوي او خپله مور ښُکلوي (چَپوي).
نیکي او نیکمرغي له دې کورنۍ څخه نه جَلا کیږي.
او همدا رنګه ما پدې هېواد کې کوم مسلمان لیدلی ندی چې پلار یا خپله مور یې د زَړو کور (خانه سالمندان) ته بولي او سپارلي وي.
زما ماشوم ومنئ او هغه ته ور زده کړئ هغه رَویه او رفتار چې تاسو له خپلې مور او پلار سره یې لرئ او هغه ته ور زده کړئ چې څه ډَول د مور او پلار سره د تاسو په څېر رَویه او رفتار وکړي.
څه بهترین او غوره دین په میراث را پاتې دی کاشکې مونږ هم بشپړ مسلمانان وای، نه چې په میراث پاتې مسلمانان. ډېری وخت خپل باورونه، فکرونه، غوښتنې او هوَسونه د دین په نوم په نورو پَلي کوو، حال دا چې د اسلام په دین (قرآن کریم، احادیثو شریفو، فقه، اجماع او قیاس) کې هر څه څرګند او روښانه دي.
کولای شئ دا لیکنه په هر ځای کې له هر چا سره شریکه کړئ!
مننه؛ بریالي اوسئ.
پښتو ژباړه: عبدالرشید صمد نجاب
سرچینه: یوه بهرنۍ ویب پاڼه